ਨਵੀਂ ਦਿੱਲੀ: ਕਾਂਗਰਸ ਦੇ ਸੀਨੀਅਰ ਆਗੂ ਰਾਹੁਲ ਗਾਂਧੀ ਨੇ ਕੇਂਦਰ ਸਰਕਾਰ ਦੀਆਂ ਨੀਤੀਆਂ ‘ਤੇ ਤਨਜ਼ ਕੱਸਦਿਆਂ ਕਿਹਾ ਹੈ ਕਿ ਦੇਸ਼ ਵਿੱਚ ਮਹਿੰਗਾਈ ਦਾ ਵਿਕਾਸ ਜਾਰੀ ਹੈ ਜਿਸ ਕਾਰਨ ‘ਅੱਛੇ ਦਿਨ’ ਦੇਸ਼ ‘ਤੇ ਭਾਰੀ ਪੈ ਰਹੇ ਹਨ। ਤੇਲ ਸਣੇ ਜ਼ਰੂਰੀ ਵਸਤਾਂ ਦੀਆਂ ਕੀਮਤਾਂ ਵਿੱਚ ਅਥਾਹ ਵਾਧੇ ‘ਤੇ ਟਵੀਟ ਕਰਦਿਆਂ ਉਨ੍ਹ੍ਵਾਂ ਲਿਖਿਆ, ‘ਮਹਿੰਗਾਈ ਦਾ ਵਿਕਾਸ ਜਾਰੀ, ਅੱਛੇ ਦਿਨ ਦੇਸ਼ ‘ਤੇ ਭਾਰੀ, ਪ੍ਰਧਾਨ ਮੰਤਰੀ ਦੀ ਸਿਰਫ਼ ਮਿੱਤਰਾਂ ਨੂੰ ਜਵਾਬਦਾਰੀ’। ਜ਼ਿਕਰਯੋਗ ਹੈ ਕਿ ਦਿੱਲੀ ਵਿੱਚ ਬੁੱਧਵਾਰ ਨੂੰ ਸੀਐਨਜੀ ਦੀਆਂ ਕੀਮਤਾਂ ਵਿੱਚ 90 ਪੈਸੇ ਪ੍ਰਤੀ ਕਿਲੋ ਤੇ ਪਾਈਪਲਾਈਨ ਰਾਹੀਂ ਸਪਲਾਈ ਕੀਤੀ ਜਾਂਦੀ ਰਸੋਈ ਗੈਸ ਦੀਆਂ ਕੀਮਤਾਂ ਵਿੱਚ 1.25 ਰੁਪਏ ਪ੍ਰਤੀ ਘਣ ਮੀਟਰ ਵਾਧਾ ਕੀਤਾ ਗਿਆ ਹੈ। -ਏਜੰਸੀ

News Source link